फिल्मी दुनियाँको असन्तुष्टि

पाउलो कोयल्हो

केही महिना अगाडी पाउलो कोयल्होको पछिल्लो उपन्यास ‘द वीनर स्ट्याण्ड्स अलोन’ नागरिक दैनिकको परिशिष्टाकं अक्षरको लागि लेखेको थिएँ । तर, सायद पुस्तक समीक्षा लेख्ने बानी नभएकोले राम्रो थिएन त्यसैले प्रकाशित हुनसकेन । तर कतै न कतै यी अक्षर प्रकाशित हुन चाहे त्यसैले यसलाई आफ्नै ब्लगमा प्रकाशित गर्न चाहेँ ।

पाउलो कोयेल्होकॊ पछिल्लो उपन्यास ‘दी वीनर स्ट्यान्डस् अलोन’ विश्वभर वेस्ट सेलरमा दरिइसकेको छ । उनको यो बाह्रौ उपन्यासले प्रुान्सको केन्स फिल्म फेस्टिबललाई आधार मानेर आफ्नो विषय बस्तु बुनेको छ । जम्मा २४ घण्टाको अन्तरालमा बुनिएको उपन्यासले फिल्मी ग्लामर दुनियाँको चम्किलो तडकभडकलाई उजागर गर्ने प्रयास गरेको छ । फ्यासन प्रतिको तीब्र चासो नाम र दामका लागि गरिने संघर्षको यथार्थ चित्रण छ उपन्यासमा ।

मुख्य पात्र इगोर एउटा रसियन मोबाइल कम्पनीको मालिक हुन्छ जो उपन्यासको शिर्षकले भने अनुसार एक्लै विजेता बन्ने संघर्षमा उभिएको हुन्छ । दुई वर्ष अघि आफूलाई छोडेर गएकी पूर्वपत्नी ईवालाई आफ्नो संसारमा फर्काउनु उसको मुख्य उद्देश्य हुन्छ । चाहे त्यसका लागि उसले जति नै मानिस मारेर संसार ध्वस्त पार्न किन नपरोस् । उसको बुझाई छ मानिस मारेर आफ्नी श्रीमतिलाई मोबाइल मार्फत् सन्देश पठाउँदा उ प्रतिको प्रेम बुझेर फर्किनेछे । ईवाले छोडेर जाँदा उसले बचन दिएको हुन्छ ‘सम्पूर्ण संसार ध्वस्त पारेर भए पनि तिमीलाई आफूमा फिर्ता ल्याउँछु ।’ जब आफ्नी पत्नीले विश्वप्रसिद्ध फ्यासन डिजाइनर हमीदसंग विवाह गरेको थाहा पाउँछ तब उसलाई आरिसे लाग्छ । त्यही संकल्प पूरा गर्न सिरियल किलरका रुपमा केन्स फिल्म फेस्टिबलमा उनीहरुको पिछा गर्न प्रतिबद्ध हुन्छ ।

उता ईवा भने परिवारको स्वीकृति बिना नै प्रेम विवाह गरेको भए पनि अघिल्ला वर्षहरुमा पतिसंग खुसी हुन्छे । पहिला सिपाही भएर लडाईमा थुप्रैको ज्यान लिएको पतिकॊ आवेगलाई राम्ररी बुझेकी हुन्छे । ईवाको प्रवेश पछि इगोरले जीबनमा अपत्यारिलो सफलता पाउँछ । सफलता संगै आएको ब्यस्तताले उनीहरुमा दुरी बढ्छ । अन्तत फेसनप्रति आकर्षण रहेकी इवाले चर्चित फेसन डिजाइनर हमिदका लागि पति इगोरलाई छोड्छे । यही विषयवस्तुका बीचमा देखापर्छन् पात्रहरु ओलिभिया ग्याबि्रला गिब्सन ज्यास्मिन टाइगर । यी मध्य ओलिभिया एउटा सामान्य सडक ब्यापारी हो जो इगोरको संसार ध्वस्त पार्ने सिलसिलाकी पहिलो सिकार बन्छे । तर ओलिभियालाई सिकार बनाएको परिस्थिति पढ्दा लाग्छ एउटी कलिली निर्दोश युवतीलाई मारेर इगोर आफूलाई के साबित गर्न चाहन्छ आफूलाई धोका दिएर जाने श्रीमतिलाई आफ्नो माया देखाउन के यसरी उ सफल हुन्छ कतिसम्मको लज्जास्पद र निर्दयी पात्र छ इगोर । आफ्नो प्रेमको लागि अरुको ज्यान लिने कठोर ह्रदयको मानिस पहिला अरुका लागि जति नै सत्यवान् भए पनि यहाँ एउटा निकम्मा ठहरिन्छ । इगोरको उद्देश्यका लागि उ कति सजिलो हतियार बन्न पुगि । अन्त्यमा आफ्नै पूर्वपत्नी र उसको पतिलाई मारेर आफू बिजेता भएको महसुस गर्दा ओलिभियाको चम्किलो आँखाले उसलाई अबका दिनमा पनि पथप्रदर्शन गरिरहन्छन् भन्ने विश्वासका साथ सकिन्छ उपन्यास ।

पच्चीस वर्षिया इटालिएन ग्याबि्रला नायिका बनेर आफ्नो परिचय फिल्मी दुनिँयामा बनाउने होडमा हुन्छे । स्कुले जीवन देखि नै एउटा इगो लिएर हिँडेकी उसलाई केन्स महोत्सबमा अभिकर्ताले धोका दिन्छ । त्यसतै अर्कि पात्र अर्फिकाकी त्यो काली सुन्दरी १९ वर्षिया मोडल ज्यास्मिनले आफ्नो करियर र मायामा गोप्य रुपमा त्यो महिलाको मायालाई स्वीकार्छे । सिनेमा जगत्को विभिन्न तहका मानिसको बेग्लाबेग्लै नियति उजिल्याएका छन् ।
यसअघि पढेका ‘दी आल्कामिष्ट’, ‘इलेभेन मिनेट्स’, ‘भेरोनिका डिसाइड्स टु डाइ’ जतिको रोचक लागेन यो उपन्यास । यद्यपि विषयवस्तुको जिज्ञाशाले किताबका पाना खरखर्ती पल्टिँदै जान्छ । उनका अघिल्ला पुस्तकमा जस्तो पढिसक्दा पाठकले पढुाजेलसम्म बनाएका कतिपय प्रश्नहरुको उत्तर नपाए जस्तो लाग्छ । या भनुँ यो किताबले पाठकको मनमा उब्जाएका प्रश्न निरुत्तर हुँदैमा पुस्तक सिद्धिन्छ । यस हिसाबले बेस्ट सेलरमा पुस्तक दरिनु लेखकले अघिल्ला पुस्तकबाट आर्जेकै नामले हो जस्तो लाग्छ । विशेष शहरी पुस्ताले मनपराउने उपन्यासमा विषयवस्तुले युवाकै आर्कषणलाई समेटेको हुन्छ । यो पनि त्यसतै छ ।

पुस्तकको सुरुवात नै बन्दुकको बर्णनबाट गरेको पढ्दा लाग्छ यो कुनै थ्रीलर हो । तर भुमिकामा लेखक स्वंयले भनेका छन् यो थ्रीलर नभई पूर्णतः हामी बाँचेको परिवेशको चित्रात्मक वर्णन हो । फिल्मी दुनिँयाको कृतिमताको विरुद्धमा लेखिएको जस्तो लाग्छ उपन्यास ।

पात्र चाहे जति नै उच्चकोटी र सम्पन्न किन नहोउन् कसैमा आत्मसन्तुष्टि देखिदैँन । एकअर्कामा विश्वास भन्ने चीजनै हुँदैन । किनकी त्यहाँ तडकभडक हुन्छ र बस् माया पाउनको लागि गरिएको एकोहोरो बल र धनको संघर्ष । नाम र दामका लागि गरिएको बाध्यात्मक संघर्ष । अहिलेको परिवेशमा संसारले मान्दै आएको धनदौलत र चर्चाले नै मानिस सफल हुन्छ भन्ने कुरामा प्रश्न उठाएका छन् लेखकले । मानिसमा भित्रै देखि शान्ति र सन्तुष्टि नभए नाम र दामले केही हुन्न भन्ने कुरा उनले पात्रकै परिस्थितिबाट अभिब्यक्त गरेका छन् । जुन विश्वको बदलिँदो सामाजिक परिवेशमा गहकिलो विश्लेषण बनेको छ । वास्तबमै यो पुस्तकको विषयबस्तु पाउलोको अन्य पुस्तक जतिको रोचक छ तर त्यही अनुसार पात्रद्धारा उनले पाठकलाई विश्वस्त पार्नसकेका छैनन् । प्राय उनका पुस्तकमा थोरै र गहकिला पात्र पाइन्छन् । यसमा फेसन सम्बन्धी छरिएका विचारहरु बढी हाबी भएको देखिन्छ ।
विभिन्न पात्रको उपस्थितिले उनीहरुको मानसिकता भन्दा पनि फेसन दुनियाँमा के हुन्छ भन्ने कुराको व्याख्या गरेको छ । यस हिसाबले फेसन नै प्रोफेसन बन्न नसकेको हाम्रो परिवेशमा उपन्यास सुहाउँदो लाग्दैन । पतिपत्नीको प्रेम कथा वियोगान्त छ उपन्यासको अन्त्यमा पुग्दा आश्चर्यजनक पारामा पुस्तकको शिर्षक फेरिएको छ ।
उनका अघिल्ला उपन्यासमा उमेरका हिसाबले पात्रहरु परिपक्व र समझदार देखिन्थे यसमा भने इगोर उमेरले परिपक्व भएपनि आफ्नी पूर्वपत्नीलाई आफूमा फिर्ता ल्याउनकै लागि संसार ध्वस्त पार्ने कदम अपरिपक्व देखिन्छ । आफू दुईको जोडी दैवी शक्तिले बनेको विश्वास गरी मानिस मार्दै हिँड्ने र त्यसमा कुनै हिनताबोध नगर्ने पात्र इगोरको मानसिकता पाठकले पचाउन गाह्रै पर्छ । धनकै बलमा त्यति ठूला अपराध गरेको ईगोर आफ्नो निजि जहाजमा रसिया फर्किएको कुरा अपत्यारिलो र हलुका लाग्छ । उपन्यासमा फेसनसंग सम्बन्ध राख्ने विभिन्न विधाका मानिस समावेश गरिएको छ जो यो तडकभडकबाट सन्तुष्ट देखिदैँनन् ।
समग्रमा उपन्यासले पात्रहरु बलियो लिएको छ । विषयबस्तुमा गहिरो अध्ययन गरिएको छ तर स्वयं कथाबस्तुको आशयलाई भने पाठक समक्ष पत्यारिलो तरिकाले पस्कन सकेको छैन ।

Advertisements

One thought on “फिल्मी दुनियाँको असन्तुष्टि

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदल्नुहोस )

Twitter picture

You are commenting using your Twitter account. Log Out / बदल्नुहोस )

Facebook photo

You are commenting using your Facebook account. Log Out / बदल्नुहोस )

Google+ photo

You are commenting using your Google+ account. Log Out / बदल्नुहोस )