जन्मदिनको शुभकामना

हिजो मेरो जन्मदिन । मैले चाँहदा चाहँदै पनि हिजो केही लेख्न पाईन । मैले ब्लग सुरु गरेको हिजो ठ्याक्कै एक वर्ष भयो । नजान्दा नजान्दै अनि केही साथीले हौसाएकै भरमा मैले ब्लग सुरु गरेको थिएँ । मैले मेरो लेख नै प्रकाशित हुदैँन भन्दा एकजना साथीले ब्लग गर न अनि त आफैँ आफ्नो प्रकाशक पनि भनेका थिए । त्यहीताक आफ्नै कोस्रमा पनि ब्लग बनाउनु पर्ने कारण मैले ब्लग खोले । तैपनि मैले आफ्नो ब्लग भएको ’bout कसैलाई पनि भनिन । ममा आत्मविश्वास नै थिएन । म सोच्थेँ मलाई कसैले पढ्दा कति वाहियात ठान्छन् होला । पछि पोष्ट गर्दै गए पछि आफैँ रमाइलो लाग्दै गयो ।

त्यसैले कहिले फोटो कहिले केही साना लेखाइहरु राख्न थालेँ ब्लगमा । लेखाई निकै फितलो र कमजोर छ जसकारण म आफ्नो लेखाईमा गर्ब गर्न सक्दिन । तर अब कसैले पढे पनि नपढे पनि मलाई भने आफ्नो ब्लग प्रति मोह हुन थालेको छ । अहिले गरिहाल्नु पर्ने र इमेल अलि लामै पठाई हाल्नुपर्ने छ तर पनि इन्टरनेट पाउने बित्तिकै म ब्लगमा केही लेखौ भनेर नै हौसिएको छु । यो एक वर्ष वित्दा मैले निकै कम लेखेँ ब्लगमा । यद्यपि प्राय डायरीमा लेख्छु तर पनि ब्लगमा भने निकै सुस्त गतिमा म पोष्ट गर्छु ।

ब्लगमा लेख्दा मलाई केही लेख्न नहुने कुरा पनि लेखिन्छ की जस्तो लाग्छ । भन्न खोजेको जुन कुराहरु म गोप्य राख्न चाहन्छु त्यो कुरा पनि फुत्कि हाल्छ की भन्ने चिन्ता हुन्छ । जुनकुरा रातको पहिलो प्रहरमा आफ्नो डायरीमा लेख्दा मलाई चिन्ता हुन्न । म निर्धक्क सबै कुरा लेख्छु किनकी त्यसको लेखक र पाठक म मात्रै हुन्छु । ब्लगका शब्द र डायरीका शब्दमा निकै धेरै भिन्नता हुन्छ । मलाई मेरो आफ्नो डायरीको प्रत्येक शब्द प्यारो लाग्छ । ती शब्दहरु पढ्न मलाई कुनै छुट्टै र विशेष समय निकाल्न मनलाग्छ । आफ्नो बालापना रुवाई हसाई ख्याल ठट्टा सबैलाई डायरीका शब्दले विशेष महत्व दिएका हुन्छन् ।

दिनदिनै नलेखे पनि मैले डायरी लेख्न शुरु गरेको ६ कक्षा देखि थियो । सात र आठ कक्षाका सम्झनाहरु विभिन्न कारणले निकै प्यारा र आत्मीय थिए । तीनताक म डायरी खुब लेख्थे । ’emलाई आजकाल पढ्दा तिनमा समावेश भएका साथीहरु र आफू स्वंयमा पनि भएको परिवर्तन हास्यास्पद र प्यारो लाग्छ । हुन त अहिले ब्लगमा लेखेका कुराहरु केही वर्ष पछि ब्लगमै पढ्दा पनि रमाइलो होला तर कतिपय कारणले ती आत्मीय हुदैँनन् । मैले ब्लगमा अहिले लेख्दा मनमा लागेका कुरा भनु की नभनु भनी अन्कनाएर लेखेका कुराले मलाई पुरै अभिब्यक्त गरेको हुदैँन । त्यसैले म साच्चैँ आजका दिन सम्म जति आफ्नो डायरीलाई माया गर्छु त्यति ब्लगलाई गर्दिन ।

मेरो यो सोचाइ बदलिन पनि सक्ला तर जे होस् ब्लग प्रतिको मोह भने दिन प्रतिदिन बढ्दै गईरहेको छ । यसमा विशेष म फोटोहरु राख्न सक्छु जसलाई मैले धुलाउनु पर्दैन खासै केही खर्च पनि हुदैँन तर यो सधैँ ताजा रहन्छ । पहिला पहिला मैले अरुले खिचेको पनि फोटो राखेको थिएँ भने अब चाहिँ म आफैँले मात्रै खिचेको फोटोहरु राख्ने छु ।

अर्कोवर्षको मेरो ब्लगको जन्मदिनमा म आफैँमा थुप्रै परिवर्तन आएको हेर्न चाहन्छु । यसमा मेरो स्वार्थ भनेको चाहिँ म आफूमा आएको परिवर्तनलाई यही ब्लगले पुरै नभए पनि केही मात्रामा झल्काओस् । मेरो लेखाइमा सानै भए पनि निखारता आओस् । मेरो ब्लगलाई जन्मदिनको धेरै धेरै शुभकामना ।

Advertisements

4 thoughts on “जन्मदिनको शुभकामना

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदल्नुहोस )

Twitter picture

You are commenting using your Twitter account. Log Out / बदल्नुहोस )

Facebook photo

You are commenting using your Facebook account. Log Out / बदल्नुहोस )

Google+ photo

You are commenting using your Google+ account. Log Out / बदल्नुहोस )